產品
近年越嚟越多人注重養生，最常聽到有人話個人濕氣重、要祛濕，濕氣呢回事好似特別令香港人困擾咁，尤其喺春季、夏季，究竟點解呢？
大家又知唔知咩係體內濕氣？濕重體質又會產生啲咩健康問題？究竟飲食同生活上有咩習慣會造成身體濕重呢？
我哋會一一為大家拆解，仲會推介多款家電幫大家由外到內驅走濕氣。
;
){kind=spacer}
濕重症狀你有冇？
| 1. 全身乏力，提唔起勁，瞓極都唔夠 | 8. 消化差，容易胃脹、肚脹，多臭屁 |
|---|---|
| 2. 頭重重，成日覺得昏昏沉沉，唔清醒嘅感覺 | 9. 大便軟，容易粘馬桶 |
| 3. 好少口渴，而且好少飲水 | 10. 小腿容易水腫 |
| 4. 口水分泌多 | 11. 皮膚濕疹 |
| 5. 痰多 | 12. 有脂肪肝或高血脂問題 |
| 6. 舌苔厚 | 13. 女士白帶分泌多 |
| 7. 肥胖，易胖體質 |
如果有６個濕重症狀或以上，代表你身體濕氣重，需要注意飲食及生活習慣，改善體質，繼續睇埋以下嘅解說同祛濕建議啦～
濕氣係咩嚟？
因為飲食及生活不良習慣，令脾胃虛弱，使身體無法將代謝性廢物排出體外，長久積存於體內，濕氣濁氣彌漫體内不散，而產生以上濕重症狀，同時亦會影響身體吸收營養。另外，長期處於潮濕天氣、環境亦會比較容易令體內有濕氣。
2. 打造涼爽、寧靜睡眠環境
夜瞓捱夜、睡眠不足都係導致濕重嘅原因，中醫認為最佳嘅睡眠時間係晚上11點前。加上，近年更有多款備有抽濕功能嘅冷氣機，一機多用，可以打造涼爽睡眠環境，詳情可以參考《見字早瞓仲要瞓得好》，內有更多助眠好幫手。
內在祛濕方法
1. 控制飲食
戒食冰凍生冷食物、油膩煎炸食物、甜食，戒飲凍飲、酒類，盡量飲食清淡，避免辛辣、濃味肥膩食物。多食健脾益氣、除濕利尿食物，如紅豆、薏仁、綠豆、冬瓜、絲瓜、扁豆等。以下有2個簡易祛濕食譜及廚房家電俾大家選擇。
薏米紅豆粥
材料：
生熟薏米、紅豆各50克。
做法：
1. 將薏米、紅豆洗乾淨，用清水浸泡6小時或以上。
2. 將泡好嘅薏米、紅豆放入鍋內，加適量清水。開大火煮煲後，轉細火煮至發大、熟透、易爛即可。
健脾祛濕湯水
材料：
黨參、白朮、赤小豆 各20克、茯苓、生熟薏米 各30克、淮山40克、蓮子 20克、白扁豆 15克、紅棗5粒、豬肉 500克
做法：
1. 將以上材料洗淨，大棗去核，豬肉汆水待用
2. 將所有材料放入煲中，加入入 1.5 公升清水，大火煮至水滾後轉中細火，煲 1.5 小時。去除表面泡沫，加適量鹽調味，熄火靜置 10 分鐘後，即可飲用。
3. 多做運動多曬太陽
做帶氧運動可以加速血液循環、有助腸道、脾胃等臟腑健康，而且運動流汗係既直接而有效嘅祛濕方法。另外，日間戶外運動更可接觸太陽，有助減輕體內濕氣。以下有多款精選運動產品供大家選擇。
4. 留意負面情緒，舒減壓力
負面情緒有損脾胃，影響消化系統，所以大家應盡量搵方法幫自己減壓，例如運動、打機、唱歌、聽音樂、按摩等，令你放鬆心情嘅事情，但切忌以食零食為減壓方式，因為大多數係高糖、油膩食物，增加體內濕氣，適得其反。
5. 袪濕穴道按摩
中醫角度，早、午、晚按摩以下幾個穴位，有助身體去除濕氣，簡單易學，大家可以在家按摩袪濕不求人喇。
